Drejtori i Organizatës ‘Human Care’ Agim Qehaja dhe Menaxheri Shpëtim Potera realizuan takim me Kryetarin e Komunës së Gjilanit Lutfi Haziri, Drejtorin e Shëndetësisë dhe Mirëqenjes Sociale Selami Xhemaili, Drejtorin e Qendrës Kryesore të Mjekësisë Familjare Fejzulla Berisha, dhe përfaqësues të zyrës për rini në Komunën e Gjilanit.

Kryetari Haziri u njoftua mbi aktivitetet e Organizatës dhe Poliklinikës së Human Care, në teren në fushën e edukimit shëndetësor dhe kontrollave shëndetësore.

Përfaqësuesit e Human Care dhe Komunës së Gjilanit u dakoruan për realizim të projekteve të përbashkëta në fushën e shëndetësisë në dobi të qytetarëve të Gjilanit.